أضحك بالسودانى

الدنيا ضارباهو ومعصلجة معاهو
جاتوليلة القدر كان فى نفسو يقول عايز ابقى زي
صلاح ادريس من اللخمة قال عايز يكون زى ادريس صلاح ..
اصبح من الصباح لقى عربة كارو بى حمار واقفة جنب الباب
-------------------------------
مسطول دخل مطعم .. قال للجرسون:" عايز واحد
".. فول .. بس يكون من غير سلطة
الجرسون قال ليه:" السلطة الخضراء
.. العندنا شطبت
"..ما عندنا غير سلطة طحينة
المسطول قال ليه:"ما فى مشكلة .. طيب أعمله من غير
".. سلطة طحينة
------------------------------
واحد مسطول بيشرب سجارة وبيرجع البيت يفتح الباب بالمفتاح و يرقد ينوم
مرة كان مقرش اشترى سجارتين
ولع واحدة ونسى التانية لما رجع البيت عاوز يطلع المفتاح طلع السجارة التانية
استغرب و قال ياربي أكون أنا شربت المفتاح
-------------------------------
قالوا مسطول سودانى قاعد مع مسطول مصرى قام قال
".. ليه:" تعرف .. الدنيا دى كلها مآسـى
المسطول المصرى قال ليه: " ليه .. هو مقاسك
" أد إيه ؟

------------------------------

ولد مشى لى سيد الدكان .. و قال ليه:" عندك
"حلاوة؟
"..سيد الدكان قال ليه:" أيوة
! "الولد قال ليه طيب أدينا ببسى
الولد مشى و جاء راجع تانى ..و قال ليه :" عندك
"طحنية ؟
".. قال ليه:" أيوة فى
! "الولد قال ليه:" طيب أدينا سكر
سيد الدكان زعل و مشى كلم أبو الولد
و قال ليه:" ولدك دة عذبنا.. يسأل من حاجة و
".. يقول داير حاجة تانية
أبو الولد زعل و قال ليه:" دة ولد قليل أدب
"و لازم يتجلد .. عندك بسطونة ؟
".. سيد الدكان قال ليه:" أيوة موجودة
"أبو الولد قال ليه:" طيب أدينا سوط عنج
---------------------------------
مسطول عملوا معاه لقاء فى التلفزيون
"المذيع سأله:" ماهو أصعب موقف مرّ بيك فى حياتك ؟
المسطول قال ليه:" يوم ما كنت بحلق فى دقنى
".. و بلوك لى فى لبانة
--------------------------------
قال ليك واحد مسطول زار ناس كدة و قاعد يسأل فى بتهم الصغيرة اسمك منو ياشاطرة قالت ليهو : أسماء
قال ليها يعنى مافى اسم محدد
--------------------------------
قال ليك واحد تكاسى راكبة معاهو بنت كل ما بطنو تكركب يروح ضارب البورى شديد
الحكاية دى كررها ليك عدة مرات و فجاة كدة جات غنماية قاطعة الشارع البنت قالت ليهو : موش الغنماية دي
اصدمها بس عليك الله بوريك العفن دا تانى ماتضربو )
-------------------------------
تلاته مساطيل راكبين في طيارة هلوكوبتر بسطلوا
والطيارة في الجو
قاموا قالوا لي واحد منهم يمشي يجيب ليهم سجارة حمرا من الدكان
زولنا قام وعلي حسب السطلة الفيه مرق بي واحد من بيبان الطيارة
لحسن حظو لاقتو ليك مروحة الطيارة وخمشتو من لياقة القميص
صاحبنا بقى معلق والمروحة لافه
الجماعة بي جوة انتبهو للموقف وزولنا لافي مع المروحة
وهم برضو علي حسب سطلتهم شبكو ليك
آآآآآآي أقعد لف لينا كدة لمن تلقى الدكاكين قفلت

ههههههههههه..

نكاتك مرة حلوة..

مشكوور..

ان شاء الله اكون صلحت مزاج الناس المزاجهم اقل من رايق جدا

الياس ادخل الدردشة اسفل الصفحة الرئيسية..

والله صلحتو

عجوز بتدرس في محو الاميه والموضوع (دخل سالم - خرج سالم)
قالت الاستاذه دخل سالم غطت العجوز وجهها
خرج سالم تكشف وجهها.
رجعت البيت سألها زوجها:
وشنو درستوا اليوم؟
قالت:هو سالم خلانا ندرس داخل طالع علينا!!!!!!
-----------------------------------------------------------

ليتني قطره من دمك
واستقر بقلبك
واعملك جلطه
المرسل:
عاشق نذل.
---------------------------------
ضب سكران
يقول لاخوه:
انا اصلا كنت تمساح بس ده من البنات والشراب!!
--------------------------------------------------------------------
انالست احد سلاطين الحب ولا ملكا من الملوك..
ولااملك عصا سحريه كي اجبرك لمحبتي..
ولكني عاشق مرهف الاحساس
لا املك ما يملكه غيري من مال او جاه..
لكنني املك خشبه لو ضربتك بيها في راسك عرفت ان الله حق

-----------------------------------------------

مسطول يعرب جملة
(برنامج كل الياضه)
بر:صحراء
نامج:تعني القبطان نامق بتاع (عدنان ولينا)
كل:أصلها كلب حذفت الباء تقديرا للمجلس!
الرياضه:الرياض
عاصمة المملكه العربيه السعوديه
الهاء:ماليها داعي..؟!

------------------------------------------------------------
رأى ثعلب غرابا فوق شجره وفي فمه قطعة جبن,,
فقال الثعلب:ياغراب غني لي بصوتك الجميل!!
فوضع الغراب قطعة الجبن تحت جناحه..
وقال:قايلني الغبي الفي كتاب المطالعه..
--------------------------------------------------------

في بنت مسكتها كهرباء
شافتها حبوبتها
قامت تزغردوتصفق ليها ليه؟
قايلاها بترقص!!
------------------------------------------

ودالعوض سافر لبنان شاف بنت
سأل اخوانو قال:دي بت
قالوا ايوه
قال بذمتكم بنت؟
قالوا: والله بنت
قال:الله يلعن عمي مزوجني واحد من عياله..
------------------------------------------------------

مسطول راح يخطب
قالوا له:البنت بتدرس
قال : خلاص اجيكم في الفسحه
-------------------------------------------------------

لقاء مع مسطول
الاسم:فيعصل
العمر:23سنه و5سنين
الوظيفه: طيار مدرس
المؤهلات:حاصل على المتوسطه من جامعة اكسفور بكليه المعلمين بالدامر
متزوج:نعم وعندي ولدين وبنت ولد
ما اسمائهم:كلهم محمد ما عدا خالد اسمه عيسى
---------------------------------------------------------

وانبطح الحمار وغردت الزرافه
وطار الفيل فوق الشجره
واجتمع الاحبه الاسد والغزال
وجاء الكلب بالحشيش
وجاء النمر باشراب
ونهقت الحمامه
وطربت العصافير
ورقص القرد مع الديك
مسطول بيحاول يكتب قصص اطفال

مسطول وقف تاكسى .. و قال للسواق: " يا ابن العم وين توديني وكم ادفع لك ؟

.. صاحب التاكسي نفسه طلع مسطول وقاله :" انزل هنا وادفع اللي بتدفعه "

* * * * * *

طالب في المدرسة ابوه وعده انه بيذبح خروف لو نجح فى الامتحان وجاء يوم توزيع الشهادات ...و لما رجع الطالب للبيت ..ابوه ساله ها...بشر؟؟قال : الله وسبحانه وتعالى كتب للخروف عمر جديد

* * * *

مدرسة سالت طفل :: ما اسم أمك ؟ فأجاب الطفل: لا أعرف فالجيران يسمونها _مدام_. وابوى بسميها _حياتي_. وأنا أسميها _ماما_ حيرونا والله

* * * *
القاضى سال المتهم بقتل شخص : ليه قتلت الرجل بالسكين؟
فقال: ظروفي صعبة، وما اقدر اشتري مسدس

********
دخل راجل فى بيته واتفاجأ بلص بيتفرج فى مباراة الهلال والمريخ فى الصالة ..الراجل مسكه من رقبته وساله :انت مين؟؟؟
الحرامى قال ليهو : أنا لاعب مطرود.

* * * *

مسطول سأل موظف الاتصالات : عندكم مفتاح امريكا
رد عليه الموظف : ايوة عندنا
المسطول قاله : اعملوا لي منو نسخة

* * * *

مسطول لقي كنز , قال الحمد لله باقي الخريطه

* * * *

مسطول خطيبته قالت ليه انا اهم حاجه عندي الاخلاص !
قال ليها : وانا الحمدو

* * * *

مسطول سأل اذا اتزوجنا الحور العين نسوانا ديل بودوهم وين ؟؟
رد صحبو : يعزبو بيهم الكفار

مسطول مشي يخطب بت ..
قدمو ليه كباية شاي فيها (كيس شاى لبتون)
قال لي صاحبو : أها من قولة تيت ساوين لينا عمل!!
* * * *
مسطول قالو ليهو ما هو أصعب موقف مر بك ؟
قال: موقف الكلاكلات
* * * *
أدروب بغازل في حبيبتو بالمسجات، أهلها زروهو، قال ليهم والله دا ما خطي
* * * *
مسطول اشترا موبايل سوداني لي خطيبتو وقال ليها العرس لمن الاستقبال ينتهي
* * * *
مسطول سطلة شديد سمع المعلق بقول فاول لصالح رونالدو... قال أول مرة أعرف انو رونالدو عندو ولد اسمو صالح.......
* * * *
مسطول شديد مشى سلاح المظلات .. قال ليهم داير أعمل مظلة للمرحوم الوالد و كده
* * * *
مسطول سمع دقة في باب البيت فتح الباب مالقي زول قال ده (مسكول ) ولاشنو؟
* * * *
مسطول قال لي صاحبه أنا حلمان إننا بقينا فنانين ،،،
إنت فنان تشكيلي ... وأنا فنان أشكيلك
* * * *
مسطول وزنه زاد .. مشى للدكتور .. الدكتور نصحه يمشي كل يوم 3 كيلو .. بعد إسبوع ضرب للدكتور قاليهو أنا في الحصاحيصا أواصل ولا أرجع
* * * *
واحد نام متأخر لقى الحلم بادي
* * * *
واحد بنى بيته في شكل دائرى لمن سألوهو عن السبب قال: عشان مرتى ما تقول لى حابسنى بين أربعة حيطان
* * * *
واحد مزاجى عندو موبايل تلاتين عشرة جدعو في الكوشة لما سألوهو ليه؟ قال ليهم عاوزو ينقلب إلى شيطان
* * * *
بت بلدياتنا خطيبها رسل ليها خطاب عاطفي وبين كل فقرة والثانية كتب ليها آه.. آه.. ردت ليهو: كلامك حلو لكن واحد وخمسين دي ماعرفتها؟ مصاريف ولا شنو؟
* * * *
رباطابي دخل المستشفى سألوه: زيارة؟ رد: لا عمره.
* * * *

مسطول مشى لبتاع الدكان قال ليهو
اديني سجاره وعلبة امواس
بتاع الدكان اضانو تقيله قام جاب ليهو قلم وكراس
وقال ليهو اديك بالباقي شنو؟
المسطول قال ليهو اديني بيهو إملاء

رباطابيه مشت المستشفى لعلاج بتها الصغيرة وهى صائمه وفى الرجوع بتها اصرت الا تشيلها وهى رفضت بحجة انها صائمه فردت بتها انا قلت ليك ضـوقينى

ما تقول رباطابي لاكن انت قلت انا بقول
سعودي جا السودان قام الناس وروه الاجناس دة جعلي دة فلاااتي دة بديري دة شاقي ...........
وقالو ليه الرباطاب ديل مسيخين خلاااااااص ودمهم تقيل
شهرين قاعد بفتش في رباطابي امشي لي اي زول في الشارع جنسك شنو فلااتي .............جعلي ......الخ
قام لقة ليه رباطابي قام بقة يسأل فيه والرباطابي يتماسخ قام زهج قام قال ليه ايش الفرق بينك وبين البهائم
قام قاليه
فكروا..........
البحر الاحمر
الما فهمها يرسل لي رسالة خاصة هههههههههه
وكل عام وانتو بخير وسالمين
السنة الجاية زي ما عاوزين

هذه الباقة واللى قبلها مهداه لابن الخال محمد عبدالرحمن فضل حتى تعدل من مزاجه زهجان جدا لتكون رايق جدا
واحد موظف حالته تعبانه زوجته ولدت ،الدكتور قال ليه:شوف ليك مرضعة لولدك لأن زوجتك عندها مشكلة فى ادرار اللبن،بعد بحث مضنى زوجته وجدت مرضعةواتفقت معاها،زوجها سألهااتفقتى معاها بكم؟قالت ليه:غايتو بعد تعب اتفقنا على أربعين ألف،قال ليها بانفعال:ليه؟انا مرتبى كله خمسين ألف،خلاص نديها العشرة ألف الباقية ونرضع كلنا

قال ليك البت جنها غنا و ابوها حارقاهو الشغلانة دي خالص يا بت ماتغنى وزولتك مطنشاه و تغنى ساكت قام ابوها اشتكا لجدها يا ابوى البت دي جننتى طول اليوم تغى تغنى ابوهو قاليهو يا ولدي خلها التغني مادام فى البيت المهم العربى رجع بيتو لقى البت تكنس فى الحوش و شغالة غنا ساى " جيتو وما لقيتو و جاني ما لقانى ..جيتو وما لقيتو وجاني و ما لقانى" و قال ليها ابو ها و هو ميت من الغيظ هسة يابت لو قلتى اتعقبنا ساي ما كان اخير

زمان كان البورة للبنات بس لكن هسة البورة لاتنين (للبنات وللمغتربين في السعودية) والله لينا

في واحد كان راكب الحافلة والحافله خلاص اتملت ومافي مكان وعمناده كان راكب مع الباب بعدين جاء واحد شاب وقال ليه يا حاج الحافله دي ماشه وين قال ليه يا ولدى اسى لو قلنا الحافله دى ماشه بيتكم بتركب وين.

في واحد سوري ومعه سوداني السوري قال للسوداني أنت عارف أنو السوداني بيكون في رحم أمه سنة كاملة فقال السوداني عرفنا التسعة شهور وعشرة أيام الباقي ده يكون شنو فقال ليه السوري عشان يتحمص ( يبقى أسود

واحد رباطابى معزوم عشاء مع واحد صاحبو مشى لقى الكهرباء قاطعة عن صاحبو قعدو يتونسو مسافة الرباطابى جاع جوعه شديدة قال لى صاحبو ياخى الزمن فات وانا جيعان ياخى طلع لينا العشاء داء صاحبو قال لية ياخى العشاء ما بطلع الا الكهرباء تجى... الرباطابى قال لى اصلو عشاء ولا شريط فديو

قطر كريمة كان زحمة شديدة جدا ، واحد معاه ولدوا الصغير يادوب لقي ليهو مساحة نام في الممر ،وولدونام جنبو ، والدنياليل ، قام الرجل صحي فجأة ما لقي ولدو الصغير راقد جنبو ، فقام يفتش عليهو والدنيا ظلام شديد ، ولسؤ حظه قام لكز واحد رباطابي نايم جنبو وصحاه من النوم ، فقام الرباطابي زعل وقال للراجل :- يازول بتلاكز مالك ؟ قام الراجل قال ليهو :- ياخوي بفتش علي ولدي ..... قام الرباطابي رد عليهو بزعل :- ولدك دا إبريق ؟ ماتكوركلو

أثنين زملاء وأصحاب جدا شغالين في شركة الكهرباء والد وأحد منهم إتوفي ، فزميله لم يعزيه في وفاة والده ، ولم يشاطره أحزانه ، وشاء الله أن يتوفي والد الآخر بعد شهر ، وطبيعي أن زميله لا يعزيه ، لأنه لم يعزيه في وفاة أبوهو التي حدثت أولا ، فقابله زميله وهو زعلان وقال ليهو :- بالله مش عيب عليك ، نحن أصحاب وزملاء وأصدقاء ، أبوي يموت ماتجي تعزيني فيهو ؟؟؟؟ فرد عليهو زميله :- باللـــــــــه !!!!! والدفناهو قبل شهر داك كان كيــبــــل !!!!

رمضــانيــــــات وأحد كان عندو سحور مدنكل جدا ، ورمضان كان في عز الشتاء ، ( جوع شديد جدا ) وصاحبنا نام جوة الغرفة ، وساب الشبابيك مفتوحة ، وقال يصحى قبل الفجر ويضرب السحور ، وشالتو نومة ، و ما صحي الا والشمس داخلة من الشباك وضاربة فيهو ، فقام قفل الشبابيك ، وباب الأوضة ، ووقع ضرب في السحور ، فدخلت عليهو زوجته ، وقالت ليهو بإندهاش :- سجمي ياراجل !!!! الواطه صباح وإنت بتتسحـــر !!!! فرد عليها : يامره سـدي الباب دا .... يسـد حنكــك./

واحد بيسكر ( مع اثنين من أصحابو ) لحدي مايتدمر ويغلبو المشى والوصول لبيتو ، وفوق دا كلو طويل لسان ، ولسانو فلغة، فاصحابو بيشيلوهو في قفة ، وكل واحد بيمسك القفة من أضان لحدى ما يوصلوهو بيتو ، ، وفي يوم الجماعة شايلين صاحبنا وهو مطين وغاطس لراسو في القفة ، شاف واحد سكران وماشي في الشارع يمين شمال و بيترتح ، قام قاليهو :- إنتو وكت ما قادرين عليهو الجابركم شنو ...؟؟؟

عم عباس كان بيسكر مع أصحابو ، وبعد نهاية القعدة الجماعة نزلوهو في طرف الحي عشان يمشى بيتو ، فصاحبنا غلبو يوصل بيتو ، وكل مره يلف ويجي يلقي نفسو في نفس الحتة النزلوهو فيها ، ولمن تعب لقي جماعة قاعدين قدام بيتهم ، فقال لهم :- ياشباب لو سمحتو بيت عمكم عباس وين ...؟؟؟ فرد عليه الشباب :- ماانت عمنا عباس زاتو !!!! فقال لهم :- أنا ما سألتكم من عمكم عباس !!! سألتكم من بـيـتـــو....

واحد من أدعياء الشعر ، قابل الشاعر عمر البنا ( الذي اشتهر بالصراحة الشديدة والوضوح ) واعطاه قصيدة ليعرف رأيه في موهبته ، وجاء في القصيدة مابين الشتاء والصيف توجد فواصـل والزول البريدو حبو سكن المـفاصـــل فرد عليه الشاعر عمر البنا :- ياولدي .... إنت ما عندك شعر .... إنت عندك رطــوبـــة ... أمشي الدكتور أكشـف ....

واحد قابل الفنان الراحل أبوداؤد في عطبرة ، وقال ليهو: والله يا أبوداؤد انا معجب بيك ، وبسمعك في الإذاعة من زمان ، بس ما كنت قايلك أســــود !!!! فرد عليهو أبوداؤد : يعني كنت قايلني قــاورمـــا !!!!

واحد شاب من معجبى الفنان حسن عطية...قال للمرحوم حسن عطية والله انا معجب بى غناك خالص يا استاذ بس مشكلتى ما بفهم كلمات اغانيك كلها....ياريت لو توضح الكلمات فى اغانيك ...عشان الواحد يقدر يفهمك...الاستاذ رد عليهو....يا ابنى انا بغنى....مش بملى........

قابل النميري ( أيام حكم مايو ) الفنان الراحل النعام آدم ، وقال له :- ياالنـعـــــام .... الفنانين كلهم عملوا أناشيد لثورة مايو ، وغنوا لي ، ماعدا انت !!!! ليـــه ؟؟؟؟ فرد عليه الفنان النعام آدم :- أنا بغني للبنـــوت !!!! إنــت بــــت ؟؟؟؟

في اثنين مساطيل راكبين في مركب المركب اتقدت في نص البحر واحد قال للتاني المركب اتقدت قام قال ليهو خليها تتقدي حقتنا هي

بت رباطابية قالت لأبوها ابوى ابوى شوف الفار رد عليها يابت انا كديس ردت عليهو نان انا قت لك اوكلو

واحد زوجته ولدت ليهو ولد وعاوز يعمل السماية وظروفو صعبة مشى لجاره يستلف منه حق السماية جاره قال ليهم والله انا ظروفى برضو صعبة لكن ما لازم تعمل السماية بعد اسبوع ممكن بعد اسبوعين بعدين ربنا يمكن يفرجها عليك اخونا سمع كلامه وقال خلاص يعمل السماية بعد اسبوعين قبل ما يتم الاسبوعين قام جاره سألوا كيف الاخبار ان شاء الله الامور ماشة تمام ، جاره قال ليهو والله تعيش انت الولد مات ، قام جاره قال ليهو انا ما قلت ليك ربنا حيفرجها

واحد مسطول ساق جدو المستشفي الدكتور سالو عمرو كم قال ليهو والله ما عارف لكن من زمان معانا

واحد سكران فى بص قا عده جنبو واحده شينه عاينت ليهو وقالت بس دا شنو السكران ده قال ليها انا سكرتى دى بتفك وانتى الله يفك شناتك دى

واحد مغترب عرس رسلوا ليهوا العروس طرد .. وبعد استلموا قاموا اصحابوا عملوا ليهوا حفلة صغيرة كدا .. والعريس خجلان شديد..قام قال لى العروس.... اها .. ان شاء الله التياب طلعن قدرك

مجموعة من المحس مغتربين فى السعودية قاعدين عطالة قام جاء واحد من السودان وقال ليهم انشاء الله تكونوا كلكم
شغالين ؛ قام واحد قال ليهو مافى شى شغال الا المكيف دا.

فى واحد كلم حبوبتو تلفون من السعوديه وبعدين صدا الصوت فى التلفون ازعج حبوبتو هو يقولة حبوبه كيفك هى تقولو المعاك دا منو

ود الزومة طبعاً مشهور بالمواقف الطريفة مرة مشى حفلة عرس وبعدين جابو ليهم العشاء هو والشلة بتاعتو وكان العشاء عبارة عن فتة باللحمة ولسوء الحظ كان فوق الرز عضم كبير واحد بتاع لحمة قام واحد من الشلة خطف العضم وبدأ يأكل فيهو قام ود الزومة ما كضب وكشح ليك الفتة كلها في الواطة .. الجماعة سالوهو بي زعل : ليه يا ود الزومة عملت كدا قال ليهم يعني هو سرق الجوكر أنا ما بدكها !!!!

واحد اخد خطيبته للحديقه وكانت مشكلتها انها بتنطق حرف الغين ( حاء ) ، اثناء تجوالهم قال لها انتٍ غرامى ، فقالت له
و انت حرامي

فى واحد ماشى وراء بنت فى الشارع وقاعد اشاغلهاقال ليها ماشه سريع كده وراك موعد ؟التفتت وقالت ليه لا وراى حمار !!!

راجل جا خاش البيت زهجان لمن روحو مارقة لاقا مرتو قاليها انتو يا النسوان ما بتعرفو اصلو كلمة هاك بس بتعرفو تقولو جيب جيب جيب ,قامت مرتو قالت لي ما تزعل هاك البطاطس دي قشرا لي !!!!!!!!!!؟؟؟؟

أهه يا ود الخال ان شاء الله مزاجك إتغير من زهجان جداً

شايقي مجكن مرته ، و ما عايز يتكلم معاها عشان ما تفرح تقول صالحني ، و داير يصحى الصباح الساعة 5 عشان شغلة مهمة ، فقام كتب في ورقة صحيني الساعة 5 صباحاً ، و نام ، صحى لقى الساعة 10 ، عاين للورقة ، لقاها كاتبة ليهو الساعة 5 جات قوم أصحى

شايقي خصمه منه يوم لصالح فلسطين ، قام إتبرع بالباقي لإسرائيل[b]

دي طرفة حصلت بالجد ، في واحد يدرس في جامعته تمثيل و فن ، و جامعته دي في الخرطوم ، و أهله في البلد ، المهم جاهو جدو من البلد للعلاج ، المهم الزول دا ما قصر و عايز يخدم جدو ، قام ساق جدو داير يدويه للدكتور ، و بس قال ليهو حأغشى الجامعة أعتذر لهم عن الحضور ، قال لجدو أنت بس إنتظرني هنا ، و دخل جوه ، جدو قام شاف البيعزفوا و البيغنوا و البيمثلوا ، المهم لما مرق ، جدو قال له : يا ولدي أنتا بتقرا شنو ؟ قاله تمثيل . قاله : يلعن حكومة السودان العملتلا جامعة للصعلك

ههههه والله نكت سمحة اوي
واحد قتلو مات
وانت يا اللياس خت في بالك انو انا عيان

انصح أي واحد من الأهل يشوف النكت

انت ما بتفتحي شي غيرو لي؟؟؟؟

اضحك يا البلسم السودني